Во Белград се одржа саемот „Винска визија на отворен Балкан“, а домаќин на лидерите на Албанија, Македонија и Црна Гора беше претседателот на Србија, Александар Вучиќ, кој не криеше колку го сака виното.
Имено, гледачите можеа да ја гледаат дегустацијата на виното на Вучиќ повеќе од еден час на одредени телевизии, а самиот претседател се пофали дека може „многу да пие“.
– Немојте повеќе, луѓето ми броеа, испив повеќе од 100 чаши, тоа што не ми е ништо, тоа е друга работа, во сабота пак доаѓам – се пофали претседателот на Србија во телевизиски пренос.
Во еден момент советничката за медиуми Сузана Васиљевиќ се обиде да ја земе чашата, проба од виното и сакаше да ја тргне настрана, но тој ја грабна назад и продолжи да пие.
Pijani Vucic šikanirao svoju savetnicu, koja je pokušavala da mu otme čašu i da ga urazumi. Da pazi i da može napraviti skandal, pošto je bio vidno pijan..
— Aleksandar R – Feljton.rs (@FeljtonRs) September 1, 2022
Vučić je oteo nazad njegovu čašu, a njoj rekao da se skloni od njega, kada ga je uhvatila pod ruku da ne padne.. pic.twitter.com/N4woDKZTjq
– Само да пробам – рече Сузана Васиљевиќ, која по една голтка почна да ја враќа чашата на Вучиќ на трибината, но тој беше убедлив: „Не, не, не…“ и му ја зема назад чашата со вино од човекот на штандот.
– Се плаши да не испив премногу, добро е – рече српскиот претседател кога ја земал чашата, на што Сузана Васиљевиќ се надоврзала со коментар дека „не се уплашила, туку дека го чека албанскиот премиер“.
Во еден момент Васиљевиќ се обиде да го фати претседателот за рака, но тој се оттргна и со еден поглед и покажа дека е време да се откаже и да се оддалечи од него, што на крајот таа и го направи.
