Македонската претставничка Андреа Коевска, која за жал, не се пласираше во финалето на „Евровизија“, според објавената листа на официјалниот евровизиски сајт завршила 11-та во полуфиналето на музичкото натпреварување.
Според деталните податоци од гласањето објавени на официјалната страница, Андреа освоила вкупно 76 поени, и тоа 56 од жири и 20 од телефонското гласање. Впечатливи се податоците кои покажуваат дека Македонија најмногу поени добила од жири-комисијата на Германиј, а најмалку од жирито на соседна Србија.
Во финалето, пак Македонија најмногу гласови според жири – 12, даде на Шпанија, а 10 поени на српската претставничка Констракта.
Гласањето на жирито се разликуваше од телефонското гласање, според кое 12 поени освоила Србија, а 10 Шпанија. Украина освои 8 поени од телефонското гласање, додека според македонското жири, победничката песна на Украина не заслужи ниту еден поен.
НАСТАПОТ НА АНДРЕА
