Британската кралица Елизабета Втора е под медицински надзор во Балморал, откако лекарите се загрижиле за нејзиното здравје, соопшти Бакингемската палата.
Бакингемската палата издаде соопштение во кое изразува загриженост за здравјето на 96-годишната кралица Елизабета по медицинската проценка направена денес.
„По дополнителна проценка утринава, лекарите на кралицата се загрижени за здравјето на нејзиното височество и препорачаа таа да остане под медицински надзор“, се вели во соопштението.
Принцот Чарлс отпатува во Балморал, а таму отпатува и војвотката од Корнвол, додека војводата од Кембриџ е на пат. Соопштението доаѓа откако 96-годишната кралица во средата се повлече од Тајниот совет и лекарите ја советуваа да се одмори.
Here is how BBC One interrupted programming to report on The Queen’s health pic.twitter.com/WkwlvmNWwL
— Scott Bryan (@scottygb) September 8, 2022
„Очигледно постои итна грижа за здравјето на кралицата – тоа е кажано многу поексплицитно од претходно и без никакво спомнување дека станува збор само за потешкотии во движењето“, јавува „Би-би-си“.
Британскиот јавен сервис ја прекинува редовната програма со известувања за здравјето на кралицата.
Премиерката Лиз Трас рече дека „целата земја е длабоко загрижена“.
„Моите мисли и оние на луѓето низ нашето Обединето Кралство, се со нејзиното височество Кралицата и нејзиното семејство во овој момент“, рече таа.
Кралицата вчера ја назначи Трас за премиерка во Балморал, наместо да отпатува во Лондон на настанот. За време на нејзиното 70-годишно владеење, кралицата обично одржуваше аудиенција со нејзиниот нов премиер во Бакингемската палата.
Таа од јули е на летен одмор на својот имот во Шкотска. По вестите за влошувањето на здравјето на кралицата, британските медиуми веднаш почнаа да шпекулираат со причините, а дел објавија дека е можно таа да е болна од рак, односно леукемија.
За време на нејзиното 70-годишно владеење, кралицата обично одржуваше аудиенција со нејзиниот нов премиер во Бакингемската палата.
Таа од јули е на летен одмор во својот шкотски дом.
Лидерот на лабуристите Сер Кир Стармер рече дека е „длабоко загрижен“ од веста, додека шкотската прва министерка Никола Старџен рече дека е „длабоко загрижена“ и дека ги испраќа своите мисли и желби до кралицата.
Првиот министер за Велс Марк Дрејкфорд ги испрати своите најдобри желби во име на народот на Велс.
