30-годишниот Иван, еден од тројцата Македонци кои исчезнаа во Егејското море беше пречекан со аплауз штом стапна на копното.
Како што пишува грчкиот весник „Прототема“, Иван бил пронајден жив и здрав околу 12.30 часот, и покрај тоа што околу 19 часа се борел со брановите во морската област во Посеиди на Халкидики.
Младиот човек беше пречекан со овации од спасувачите и луѓето кои чекаа во брзата помош, додека во неколкуте зборови што ги кажа 30-годишникот напомена дека неговото спасување е најголемиот подарок за неговиот роденден.
Неговиот татко и брат се нурнаа во неговите прегратки видно олеснети што сагата е завршена, а нивниот најдраг е здрав и здраав, пишува весникот.
Како што 30-годишникот и’ рекол на градоначалничката на Касандра, Анастасија Чалкиа, која од првиот момент бeше на местото на настанот и’ го придружувaше до Здравствениот дом, тој успеал да преживее бидејќи пронашол топка која ветерот ја донел во морето, ја фатил и се држел за неа додека бродот не го забележал.
„Многу сме среќни поради среќниот крај. Момчето е во добра здравствена состојба, прилично дехидрирано, но е добро“, изјави Чалкиа за protothema.gr.
„Пред малку ми кажа дека успеал да преживее благодарение на топката што ја нашол во морето. Успеал да ја држи топката цели 19 часа. Тој е многу силно дете и е во добра форма, паметен и одлично се справуваше со себе“, нагласи таа.
Во исто време продолжува потрагата по третото момче од Македонија кое од вчера попладне се води како исчезнато во морската област во Посеиди, Халкидики.
Од раните утрински часови на местото повторно се обиде да го лоцира хеликоптер на воздухопловните сили кој пред кратко време ја заврши истрагата, а упорно во моментов го бараат два брода на крајбрежната стража и пет приватни.
За 28-годишникот, кој се уште се води како исчезнат, Иван според грчките медиуми изјавил дека тој всушност исчезнал набрзо откако паднал во немирното море.
Всушност, тој на спасувачите им рекол дека третото момче по кое се трага не знае добро да плива, со што се зголемуваат стравувањата за неговата судбина.
