Несреќа се случила попладнето на Ада Циганлија во Србија, кога млад човек (21) скокнал од педалинката во водата на околу 15 метри од брегот и не излегол.
Како што дознава „Блиц“, десет спасувачи од Ада Циганлија се обиделе да го извлечат младиот човек, но безуспешно.
На местото на несреќата пристигнала полицијата и нуркачите.
И граѓаните се обидоа да влезат и да помогнат, но има многу трева и не може да се види ништо.
Скокнав по него, но никаде не можам да го видам. Момчето има 21 година, дошло на работа со вујко му, тој е од Алексинац – изјави за „Блиц“ еден од очевидците кои се обиделе да го спасат.
Како што јави известувачот од местото на настанот, неговите пријатели кои биле со него на педалинката се уште се на местото на несреќата и се обидуваат да и помогнат на полицијата да го пронајде исчезнатиот млад човек.
Според очевидци, младиот човек скокнал од педалинката и пливал, во еден момент изгубил сила и почнал да тоне.
Младиот човек скокнал од педалинката и нормално пливал. Во еден момент изгубил сила, а пријателот се обидел да го спаси. Не носеа елеци, а од тројцата што беа на педалинката, еден не знае да плива – рекла жената која била во водата кога се случила драмата и продолжила:
Филип Филиповиќ, ватерполист, кој случајно се нашол на лице место, на секој можен начин со својата екипа се обидуваше да го спаси момчето.
Дури ги повикал одбојкарите од соседниот терен, но тие не успеале да го најдат. Без кислород, маски, ништо, влегоа во водата. Во 1,2,3 нурнале и почнале да го бараат, додека не пристигнале спасувачите – раскажува жената.
Извор: Блиц.рс
