Најмалку 18 лица ги загубија животите по тешка сообраќајна несреќа во Мексико, во која учествуваа цистерна со нафта и автобус.
Инцидентот се случил во северната држава Тамаулипас, кога во автобусот удрило тешко возило натоварено со гориво, кое излегло надвор од контрола.
Според надлежните, билансот на жртвите е сè уште неконечен, бидејќи голем дел од повредените во несреќата се во тешка состојба.
Покрената е истрага од полицијата на Тамаулипас за да се расветлат причините за оваа тешка несреќа.
Да потсетиме, вчера во судир на автобус и возило што превезувало патници во Нигерија загинаа најмалку 20 лица, соопштија денеска локалните власти и полицијата.
„- Дваесет луѓе загинаа, а нивните тела се целосно изгорени, изјави неименуван локален функционер.
Несреќата се случила вчера, во областа Ибарапа. Дошло до верижен судир меѓу автобус и возило со патници, при што се запалил.
Локалните власти соопштија дека до судирот дошло поради брзо и невнимателно возење.
Полицијата потврди дека бројот на загинати е 20.
Во Нигерија, најнаселената земја во Африка со околу 210 милиони жители, често се случуваат сообраќајни несреќи.
Во јули 30 лица загинаа во северозападниот дел на земјата во судир на два автобуси и автомобил.
