Поради несоодветно работење, неиспорачување резултати и непочитување на насоките на градот Скопје, директорите добија понуда да си дадат оставка или да бидат разрешени, напиша градоначалничката на Град Скопје, Данела Арсовска.
Градот Скопје е град на сите скопјани, затоа сите носители на овие одговорни раководни функции во градот се должни да даваат отчет пред граѓаните, а не пред партиските лидери.
Скопје мора да биде модерен град, град за сите скопјани, додаде Арсовска.
Градоначалничката, Данела Арсовска на вчерашната прес-конференција обвини поединци од раководството на ВМРО-ДПМНЕ дека се обидуваат да тераат лични интереси во општините и институциите со кои раководат кадри на партијата.
По последните случувања во Град Скопје се огласи и Јанко Илкоски:
ТВ водителот Јанко Илковски вели дека тој нема да го смени мислењето за градоначалничката на Град Скопје на партиска команда преку ноќ.
Не менувам мислење на партиска команда и преку ноќ. За мене е супер, коментира Илковски.
