Денеска во Скопје, по кратко 6оледување, почина доајенот на македонското спортско новинарство Мирослав Наумовски – Лав.
Тој заедно со Васил Тупурковски, го основаше Македонскиот олимписки комитет (МОК).
Наумовски патот кон спортското новинарство го мина најпрво како активен спортист, член на првата ракометна генерација на РК Вардар притоа со настапи и за младинската репрезентација на Македонија во рамките на поранешна СФРЈ.
Во македонското спортско новинарство целиот работен век го мина во Нова Македонија, а известуваше од Летните олимписки игри во 1974, 2000 и 2004,
од Зимската Олимпијада во 1984 и 1988, од три СП во кошарка, осум ЕП во различни спортови, универзијади, медитерански игри, балканијади.
На иницијатива на Наумоски низ првите години на независна Македонија беше формиран првиот спортски магазин во Македонија, „Скок“ а тој беше и прв негов Главен и одговорен уредник.
Беше иницијаторот и најзаслужниот што по долги години пауза во деведесеттите години од минатиот век повторно се возобнови Охридскиот пливачки маратон.
