Кина објави досега највисока бројка заразени со коронавирус во изминатите две години.
Кинеските здравствени власти пријавуваат 402 локални инфекции, речиси двојно повеќе од претходниот ден. Притоа се јавува и за 435 асимптоматски инфекции и 277 случаи увезени од странство.
После првиот голем бран на коронависрусот пред две години, Кина со строги мерки за брзо време успеа да го стави вирусот под контрола. Оттогаш во земјата се регистрирани само регионални епидемии.
Кинеските здравствени власти сметаат дека појавата на високозаразната Омикрон варијанта на вирусот во источниот пристаништен град Тијанин ќе биде предизвик за заштитните мерки.
Индивидуални случаи се регистрирани во двата најмногубројни града во земјата – Пекинг и Шангај. Нови инфекции се пријавени во седум провинции и региони. Особено погодена е североисточната провинција Џилин со 165 симптоматски инфекции.
Од последната недела на февруари, бројот на хоспитализирани во Британија се зголемува, со што се смени постојаниот надолен тренд што започна на почетокот на годината.
Студијата на Imperial College London REACT, спроведена од 8 февруари до 1 март, покажа дека преваленцата на ковид-19 била 2,88 отсто, во споредба со јануари кога изнесувала 4,41 отсто.
Но, ова важи за оние помлади од 17 години, како и за оние на возраст од 18 до 54 години. Над 55 години има се повеќе заразени во тој период.
