Лавина коментари, предизвика една фотографија на Твитер, за која не е познато дали е од годинава и каде е точно сликана, но контекстот на муабетот е тој.
Имено, една твитерџика, која, судејќи по името на нејзиниот профил е од Црна Гора, објави фотографија на која се гледа „основната опрема“ на едни „парадајз туристи“ и со тоа предизвика лавина од коментари на социјалнуте мрежи.
На фотографијата се гледа парче леб, исечен домат и паштета на крпа со поглед на море.
„Сезоната започна“, напиша таа со емотикони од смеа до солзи.
Како што можеше да се очекува, на нејзина сметка почнаа низа остри коментари и навреди, но и на сметка на сместувањето и гостопримството во Црна Гора (се смета дека фотката е од Црна Гора), а многумина истакнаа дека на плажа нема ништо послатко од паштета и домати.
„Кога си мал и никаков, а животот ти е неостварен, па ставаш туѓи фотографии само за да сееш омраза. Какви се овие комплекси? Дали се лечат?“ „А смешно е кога некој нема пари, тоа ли?”
„Која година е ова точно? А каде е точно? Бидејќи фотографијата е постара од твојата кариера на Твитер и нема никаква врска со нашето крајбрежје, Многу ме интересира што јадеш ти?, -ова се само дел од некои од многуте коментари под објавата.
Во популарната група „Live from Greece“ една жена ја прокоментира оваа фотографија и симболично напиша: Јас сум жената што јаде сендвичи со паштета и домати на плажа, а објасни и зошто.
„Да чекав да имам пари за да летувам во „Риц“, веројатно немаше да отидам никаде.
Да чекав да имам доволно пари за јадење во ресторан во текот на целиот одмор, никогаш немаше да отидам никаде.
Да не гледав како да заштедам пари, никогаш немаше да отидам никаде.
Ако не правев компромиси и не одвојував приоритети, никогаш не би отишле никаде.
И сега кога не мораме – подготвуваме едноставни оброци за патувањата. Си носиме сендвичи на турите. Ние носиме храна дури и во авион.
Ги следиме цените на билетите со месеци за да патуваме што е можно поевтино. Ја вклучиме машината за перење ако ја имаме во сместувањето.
Одиме во супермаркет. Одиме на пазар. Користиме јавен превоз. Јадеме на улица. Јадеме на клупа пред продавница.
Не плаќаме лежалки и чадори ако имаме крпа и палма. И тоа не не прави несреќни – напротив, уживаме во секој момент затоа што не ни е грижа како нè гледа некој Перо од Инста, кој никогаш нема да оди никаде затоа што му требаат посебни услови кои навистина не може да си ги дозволи.“
Ова го изјави жената во својата објава во групата и предизвика лавина од позитивни коментари.
