Црногорскиот возач, 28-годишниот Никола Асановиќ загина во тешка сообраќајна несреќа на патот Цетиње-Будва додека управувал мотоцикл.
Црногорските медиуми открија дека во трагичната несреќа учествувале мотоцикл „БМВ“ и два автомобила „ауди А3“, а едно лице со полесни повреди е пренесено во болницата во Цетиње.
АП Спорт Плевља, чиј член беше Асановиќ, веднаш објави дека трката на патеката Дајевиќ хан Рудница ќе го носи името на трагично загинатиот млад возач.
Асановиќ пред само две недели постави рекорд на патеката Пљевал каде се одржуваше трката за шампионатот во Централно-европската зона.
Младиот возач се подготвуваше за трки во Бузет, Савник и Дубровник. Асановиќ беше вистински наследник на татко му Горан и брат Милош, кои претходно беа шампиони на домашни и меѓународни натпревари.
Никола Асановиќ беше повеќекратен шампион на Црна Гора и рекордер на повеќе патеки.
„Трагедија, хорор, огромна несреќа за семејството Асановиќ, за сите љубители на спортот, љубителите на автомобилизмот и за нашиот клуб во кој се вложи.
Не знам што да кажам, со неговото заминување си замина и еден дел“, со болка изјави претседателот на АМСК АП Спорт Мирхад Плакало.
Извор: Вести онлајн
