Најмалку 11 лица загинаа, а 29 се повредени откако преполн автобус се преврте во клисура во Кашмир.
Индиските власти соопштија дека веднаш била започната заедничка спасувачка операција на армијата, полицијата и локалните селани.
Официјални лица соопштија дека девет патници биле пронајдени мртви на местото на настанот, додека други двајца им подлегнале на повредите во болница.
Состојбата на девет од 29-те повредени е критична, а шестмина се префрлени во владиниот медицински колеџ и болница во Џаму на специјализирано лекување, рекоа тие.
Локалните медиуми јавуваат дека повеќето од патниците биле ученици од блиското училиште, а меѓу жртвите наводно имало и две момчиња на возраст од пет и 14 години, две тинејџерки и една жена.
Секоја година на патиштата во Индија се 3агинaти или повредени стотици илјади луѓе.
Повеќето од несреќите се предизвикани од несовесно возење, лошо одржувани патишта и стари возила, наведува АП.
#BreakingNews
— INDIA TODAY (@India_To_Today) September 14, 2022
Shocking, Minibus Accident In #Poonch Sawjian 9 Injuried & 10 died. Army's rescue operation underway#JammuKashmir #Jammu #sawjian #busaccident pic.twitter.com/IkVNxLzszR
