Utakmicama 10. kola, koje su odigrane proteklog vikenda, završen je jesenji dio sezone u Ligi Udruženja klubova FSCG – Jug. Jesenji šampionski pečat stavila je ekipa Sloge iz Starog Bara, predvođena trenerom Nikolom Vukoslavčevićem, koja je sezonu zaključila impresivnim rezultatima.
Starobarska Sloga je na Cetinju u velikom stilu savladala ekipu Adrenalina rezultatom 9:0, čime su ostvarili osmu pobjedu u isto toliko odigranih utakmica. Ekipa iz Starog Bara završila je prvi dio sezone sa maksimalnim učinkom i impresivnom gol razlikom od 52:3.
Balkan i Budva su u Baru podijelili bodove odigravši neriješeno 2:2. Ekipa Cetinja upisala je službenu pobjedu rezultatom 3:0 protiv Sloge iz Radovića.
