Nagrada ,,Matija Šarkić“, namijenjena najperspektivnijem golmanu Crne Gore, pripala je Benjaminu Krijestarcu, od ove sezone čuvaru mreže holandskog NEC-a iz Nijmegena.
– Velika mi je čast što sam dobio nagradu koja nosi ime po golmanu koji je za kratko vrijeme pokazao ogroman kvalitet. Ali koji nas je, nažalost, prerano napustio. Matija će uvijek biti uzor nama mladim golmanima. Pokazao je da se upornim radom može doći do velikog uspjeha. Danas bih najviše volio da je Matija tu sa nama. Kao prvi koji sam dobio ovu nagradu, svaki put kada izađem na teren, misliću na Matiju, rekao je Krijestarac.
