Ženska seniorska reprezentacija pobjedom nad Hrvatskom završila je nastup na turniru ,,Croatia cup 2019“.
Ekipa Mirka Marića slavila je nakon boljeg izvođena jedanaesteraca – 4:3, dok je regularnom toku meč završen rezultatom 1:1.
– Ovo nam je najbolja utakmica koju smo odigrali od kada sam ja selektor. Dobro smo stajali i bili veoma agresivni u defanzivi, što je formula koju ćemo pokušati da primijenimo u kvalifikacijama. Pošto smo dobili veoma tešku grupu u kvalifikacijama, primarni cilj nam je da uigramo defanzivu i nadogradimo je za još jednu stepenicu nabolje. Kada smo vodili, imali smo dvije očigledne prilike, pa smo mogli i pobijediti u regularnom dijelu utakmice. Drago nam je zbog djevojaka što smo na penale izborili pobjedu, koja nam znači na polju samopouzdanja. Generalno, dobro smo igrali na ovom turniru. Do strata kvalifikacija imamo još dvije utakmice u junskom terminu, a prevashodni cilj je da na svakom okupljanju budemo makar malo bolji nego na prethodnom, što je do sada bio slučaj, istakao je selektor Marić.
