Novović: Naša pobjeda je čista!

Ekipa Mladosti je u prethodnom kolu ostvarila veoma važnu pobjedu.

U derbiju kola savladana je ekipa Sutjeske, a jedan od najboljih igrača “romantičara” Ivan Novović je kazao da je pobjeda njegovog tima potpuno čista i zaslužena.

–Zadovoljni smo pobjedom protiv Sutjeske i našom igrom, posebno igrom u drugom poluvremenu. Oni su napravili sjajnu ekipu i imaju izvanredne igrače na svim pozicijama, vjerovatno će im trebati malo vremena dok se uigraju jer su promijenili dosta igrača u odnosu na prošlu sezonu. Mislim da smo bili bolji rival, stvorili više šansi i zasluženo slavili. Imali su i oni svojih prilika, ali na kraju kad se podvuče crta mislim da je naša pobjeda čista – rekao je Novović.