BRNOVIĆ progovorio o SAVIĆEVIĆU: Mi smo 30 godina bili kao dva brata… Ja nemam problem, on stvarno jeste GENIJE

Branko Brnović i Dejan Savićević posljednjih nekoliko godina nisu u dobrim odnosima.

Svi se sjećamo situacije đe je Genije pocijepao sliku sa nekadašnjim selektorom Crne Gore.

Brnović je nakon dugo vremena po prvi put progovorio o “razilaženju” sa Dejom.

“Mi smo 30 godina bili kao dva brata, i moj brat (Dragoljub Brnović, prim. aut.) isto tako sa njim. Došlo je do te situacije gdje sam ja nešto zamjerio, pa je on posle meni zamjerio da se družim s nekim ljudima s kojima on nije dobar. Došlo je tu i do nečeg drugog, jer ja nisam od onih što klimaju glavom. Čovjek sam koji zna da kaže ‘ne’, i ‘ne’. On se, otprilike, druži s ljudima koji ne smeju da mu kažu ‘e, pa nije tako’. Nema ko da mu kaže – Dejo, ovo je bordo, nije crna. Tako je došlo do razilaženja. Bilo je gluposti, ono kad je pocijepao moju i njegovu sliku, to je obišlo region. Svi su mu to zamjerili. Zovu me istog sekunda da mi ispričaju, ja se smijem, to je njegov problem. Ako bude krenuo sve da ih cijepa, moraće godinu dana to da radi, s obzirom na to koliko imamo zajedničkih slika. Ja nemam problem, evo stavio sam ga prvog u idealni tim, stvarno jeste genije. E sad, što su neke druge stvari takve kakve jesu… Imam svoj život, svoju familiju, svoje društvo. Meni su vrata od kuće uvijek otključana, kapija širom otvorena. Ne bojim se ničega, ništa nisam skrivio, nikom ništa ukrao”, zaključio je Brnović priču za Mozzart Sport.