Đalović se ipak dogovorio sa Mariborom

Nakon što su sinoć dogovorene posljednje stavke ugovora, danas je potpisao saradnju do 2027. godine.

Đalović dolazi nakon kratke pauze poslije odlaska iz Rijeke, a debi na klupi Maribora imaće već u subotu protiv Mure.

– Velika mi je čast što sam postao trener Maribora. Iako nismo u najboljoj poziciji, vjerujem u ekipu, navijače. Nismo u dobroj situaciji, Celje nam je uglavnom pobjeglo, ali imamo dobre igrače i dobre navijače, koje bih želio da pozovem da nam se pridruže u subotu – poručio je Đalović.

Maribor se trenutno nalazi na petom mjestu sa 11 bodova iz sedam kola, deset manje od lidera Celja.