Evo gdje će Robi Kin završiti karijeru

Legenda irskog fudbala Robi Kin nedavno je napustio američki tim LA Galaksi najavivši kraj svoje karijere.

Ovaj 36-godišnji sjajni napadač nije saopštio gdje će definitivno okončati svoju igračku karijeru, ali svi su izgledi da će to biti u njegovoj Irskoj.

Naime, prema pisanju tamošnjih medija Kin namjerava da “okači kopačke o klin”igrajući za Šamrok Roverse iz Dablina.

Kin je karijeru počeo u Kramlinu (Irska), a igrao je za Vulvse, Koventri, Inter, Lids, Totenhem, Liverpul, Seltik, Vest Hem, Aston Vilu i LA Galaksi.

Odigrao je 146 mečeva za reprezentaciju Irske za koju je dao 68 golova.