Niko Kovač je pohvalio igrače nakon velike pobjede protiv Pari sen Žermena.
Tim iz Kneževine pobijedio je Parižane 3:2 u Ligi 1.
Novinare je zanimalo je li to najveća pobjeda za Kovača u karijeri.
“Hvala za kompliment, ali nijesam baš mlad, imam 49 godina. Ne želim da se uzbuđujem zbog pobjede iako je vrlo lijep rezultat. Pobijediti 3:2 nakon što smo gubili 2:0 protiv finalista Lige šampiona. To je zaista fenomenalan učinak. Ipak posao nije završen. To je ono što želim da poručim igračima, čestitke za njih, ali moramo da nastavimo da radimo, sezona je izuzetno dugačka”, poručio je Kovač.
Monako je drugi tim na tabeli sa četiri boda manje od PSŽ-a.
