Futsal reprezentacija Crne Gore porazom od Saudijske Arabije osvojila je četvrto mjesto na turniru u Poreču.
Iako je ekipa Sveta Ljesara u razigravanju izgubila rezultatom 3:2, odigrala je veoma dobru utakmicu, u kojoj je propustila nekoliko odličnih šansi gol. Najbolju nije iskoristio Eldin Ćorović, koji je u posljednjem minutu meča kazneni udarac.
– Iako smo izgubili od Saudijske Arabije, moram biti zadovoljan prikazanom igrom, pogotovo u drugom poluvremenu, u kojem smo dva puta pogađali prečku i na kraju promašili kazneni udarac deset metara. Moram reći da nam je ovaj turnir poslužio da vidimo na koga u narednom periodu možemo računati od novih igrača, kazao je selektor Ljesar.
CRNA GORA – SAUDIJSKA ARABIJA 2:3
Dvorana ,,Inter sports“, Poreč.
Sudije: Timur Ramazanov (Turkmenistan), Huan Bolen (Norveška), Bjorn Tvet (Norveška).
Strijelci
1:0 – Ivan Mugoša 15’, 1:1 – Ibrahim Alasiri 18’, 1:2 – Moatm Alasiri 19’, 2:2 – Petar Perošević 24’, 2:3 – Moatm Alasiri 34’
Crna Gora: Crna Gora: Danilo Vučetić, Eldin Ćorović, Zoran Barović, Petar Perošević, Marko Spasojević. Igrali su još: Milun Sekulić, Jovica Gačević, Luka Vuletić, Jovan Popović, Nikola Minić, Ivan Mugoša, Kosta Vuković, Miloš Ljujić, Vaso Dubak.
Selektor: Sveto Ljesar.
Saudijska Arabija: Asad Alsad, Basam Alšamari, Abdulah Alotaibi, Sultan Alduhaim, Džver Imah. Igrali su još: Abdulah Kurdi, Abdulah Alšamari, Moatm Alasiri, Omar Adlabl, Mohamed Kamas, Fisal Alsultan, Momsen Fkije, Ibrahim Alasiri.
Selektor: Luis Fonseka.
