Legendarni Đanluiđi Bufon otkrio je da mu je najveća greška u karijeri to što je napustio PSŽ, klub i grad u kome mu je bilo najljepše.
Bufon ima 45 godina, a trenutno ima ugovor sa Parmom do ljeta naredne godine. U PSŽ je stigao 2018., a otišao već godinu dana kasnije.
U razgovoru s Kristijanom „Bobom“ Vijerijem u njegovom podkastu Bobo TV ispričao je svoju priču.
„U PSŽ-u mi je bilo najbolje u celoj karijeri. Moram reći da mi je najveća greška u karijeri bila što sam napustio pariški klub. Izgubio sam 10 miliona eura. Rekli su mi: ‘Điđi, jako smo srećni, ali nećeš biti prvi golman u Ligi šampiona.’ Mislio sam da to nije pošteno te da mi ne mogu doći i reći da neću braniti.
Osjećao sam se u Parizu kao u centru svijeta. Za dva mjeseca govorio sam francuski na ulici sa ljudima. Bilo je to predivno iskustvo, još i danas me djeca pitaju zašto smo otišli“, otkrio je Buffon.
