Kada je prije početka sezone Arsenal potvrdio da je zadržao iskusnog napadača Dejana Pepića bilo je jasno da će Tivćani imati ozbiljne ambicije.
I, tako je i bilo Arsenal je obilježio prvi dio sezone u Drugoj ligi, mimo očekivanja “pretekao” glavne favorite za prvo mjesto Kom, Mornar, Igalo, Bokelj, pa su Tivćani pokazali da konačno žele plasman u Prvu ligu.
Međutim, već na polusezoni jasno je da će taj put Arsenala biti prilično težak. Nekadašnji član Lovćena, Petrovca i Bokelja već je najavio odlazak, što će biti ozbiljan udarac za drugoligaša iz Tivta.
“Uzeo sam papire, tako da sam sada slobodan igrač”, potvrdio je 27-godišnji napadač, koji je u prvom dijelu sezone na 17 utakmica postigao četiri gola.
