Fudbaleri OFK Titograda u srijedu u 15 časova gostuju Zeti u 16. kolu Telekom 1
CFL. Izabranici Nikole Rakojevića u prethodnom kolu su pobijedili Jezero rezultatom 1:0 i tako zauzeli osmu poziciju u ligi sa 16 osvojenih bodova.
Pobjednički gol postigao je Alden Škrijelj, na asitenciju Ognjena Gaševića. Škrijelj je jedan od igrača koji predstavlja perspektivu OFK Titograda.
“Zadovoljni smo pobjedom nad Jezerom kod kuće. Sjutra gostujemo Zeti koja je uvijek nezgodan protivnik, a posebno kod na Trešnjivi. Bodovi u gostima bili bi značajan vjetar u leđa pred finiš polusezone. Zeta ima razloga za brigu, jer smo mi već ove sezone dokazali da možemo i da smo opasna ekipa”, poručio je Škrijelj uoči meča.
