U jednom od derbija kola Sutjeska će na svom terenu dočekati Dečić.
Ova dva tima će se ujedno boriti za izlazak na evropsku scenu, tako da je ovaj meč od velikog značaja za obije ekipe.
Napadač Dečića Vule Vujačić je kazao da njegova ekipa nema imperativ pobjede, ali će svakako njegovi saigrači dati maksimum.
-Očekuje nas jako težak posao na otvaranju drugog dijela sezone. Idemo u goste ekipi koja je naš direktan konkurent u borbi za Evropu. Sutjeska je ekipa koja je kvalitetna i koja je ove zime dodatno pojačana, ali kao i u prvom dijelu mi ćemo protiv svakog ići punim gasom bez kalkulacija naravno nikakav imperativ pobjede nemamo ali ćemo sve učiniti da napravimo što bolji rezultat. Ekipa je ostala na okupu, sem Mijuškovića koji je otišao u Bokelj doveli smo par kvalitetnih pojačanja, dobro smo radili u pauzi i spremni dočekujemo start- kazao je Vujačić.
