Odigrane su četiri utakmice subotnjeg programa sedmog kola Bundeslige.
Sjajan meč viđen je u Dortmundu đe je Borusija uspjela da preokrene rezultat i savlada Augzburg.
Gosti su stekli prednost preko Alfreda Finbogasona u 22. minutu i to je bio rezultat prvog dijela. Pako Alkaser poravnao je skor u 62. minutu, ali je ponovo Augzburg došao do vođstva 10 minuta kasnije. Strijelac je bio Filip Maks. Alkaser je svojim drugim golom u 80. minutu ponovo izjednačio rezultat, a Mario Gece je četiri minuta kasnije doveo Borusiju u vođstvo. Treće izjednačenje na meču donio je Mihael Gregorić tri minuta prije kraja susreta, ali je ipak trijumf Dortmundu donio Pako Alkaser svojim trećim golom u posljednjim trenucima utakmice iz slobodnog udarca, i ostavio Borusiju na čelu tabele.
Šalke je ostvario drugu uzastopnu pobjedu, nakon katastrofalnog starta od pet poraza. Ekipa iz Gelzenkirhena slavila je na gostovanju u Dizeldorfu protiv Fortune, pogocima Vestona MekKenija u 47. i Gvida Burgštalera u 53. minutu. Matija Nastasić nije nastupio za Šalke.
Hanover je na svom terenu porazio Štutgart. Domaći su golovima Bobija Vuda u 30. i 45. minutu stekli prednost od 2:0 na poluvremenu. Nadu Štutgartu donio je veteran Mario Gomez u petom minutu nastavka, ali švabe nisu uspjele do izjednačenja do kraja meča. Ihlas Bebu potvrdio je trijumf Hanovera u sudijskoj nadoknadi.
U Majncu su domaći i berlinska Herta odigrali susret bez pogodaka.
Borusija (D) – Augzburg 4:3 (0:1)
Fortuna – Šalke 0:2 (0:0)
Hanover – Štutgart 3:1 (2:0)
Majnc – Herta 0:0
18.30 Bajern – Borusija (M)
Nedjelja, 7. oktobar
13.30 Frajburg – Bajer (L)
15.30 Hofenhajm – Ajntraht
18.00 Lajpcig – Nirnberg
Odigrano u petak:
Verder – Volfsburg 2:0 (1:0)
