Ekipa Debrecena za koju igraju tri naša internacionalca upisala je novu veliku pobjedu u mađarskom šampionatu.
Debrecen je nakon velike borbe savladao Honved na gostovanju u Budimpešti sa 2:3.
Dorian Babunski je u 27.minutu donio prednost Debrecenu i sa 0:1 se otišla na odmor.
U nastavku je usplijedio prvi preokret kada su domaći prvo poravnali preko Domingeša u 47, a onda i poveli zahvaljujući Lukić u 54.minutu.
Uslijedio je novi preokret. Gosti su poravnali drugim golom Babunskog u 71, a pobjedu i tri boda obezbijedio im je Antonio Mance u 86.
Meldin Drešković i Dušan Lagator bili su dio odbrane Debrecena i odigrali su cio meč, a Stefan Lončar je u igru ušao u 70.minutu.
Debrecen je sada četvrti na tabeli sa 30 bodova.
