Trener Olimpika iz Marseja Rudi Garsija kazao je da je jako tužan zbog pozicije na kojoj se nalazi Lil – ekipa koju je sa velikim uspjehom trenirao od 2008. do 2013.godine.
Lil se nalazi na pretposljednjem mjestu Ligue 1 i u seriji je očajnih rezultata.
Novi trener “mastifa” Marselo Bijelsa minulog ljeta je napravio pravu revoluciju u timu nakon što je otpustio veliki broj do tada prvotimaca.
– Jako mi je žao zbog situacije u kojoj se nalazi Lil. Nadam se da će se izvući iz ovoga. Nisma u klubu i ne znam šta se dešava. Smatram da bi igrači poput Marka Baše, Rija Mavube i Vinsenta Enjame mnogo doprinijeli ekipi, a oni su otpušteni ljetos. To je bio izbor kluba i ja ne mogu suditi o tome – kazao je Garsija.
Marko Baša je nakon odluke da napusti Lil okončao igračku karijeru, Rio Mavuba sada igra za Spartu iz Paraga, dok je Enjama bez kluba.
