Sutjeska je nakon poraza od Zete prošle srijede, pred svojim navijačima remizirala sa ekipom Grblja 1-1.
foto: Bajko S.Svakako da za ekipu koja je najavljivala pohod na vrh tabele, remi na svom terenu nikako ne može biti uspjeh, što je kazao i Nebojša Jovović strateg “plavo-bijelih”.
-Mislim da je igra u meču sa Grbljem bila naša najbolja ove sezone. Međutim, kada na svom terenu upišete remi, ostanete bez cijelog plijena, nije ni malo lako. Morali smo u prvom dijelu da postignemo više golova, jer smo stvorili niz povoljnih prilika. U nastavku smo ušli nervozno, nesrećno smo primili gol, kasnije smo uspjeli da se vratimo, ali ne i da preokrenemo rezultat – kazao je strateg Sutjeske.
