Najngolan „srušio“ Napoli

Fudbaleri Rome pobijedili su Napoli 1:0 u derbiju 35. kola Serije A, a na taj način Juventus je i matematički osigurao titulu prvaka.

Radža Najangolan riješio je pitanje italijanskog šampiona. Vezista Rome postigao je gol odluke minut prije kraja meča protiv Napolija i na taj je način promovisao Juventus kao šampiona. Tim iz Torina tako je uprkos očajnom startu prvenstva tri kola prije kraja osigurao odbranu trona u Italiji.

Samo gol je viđen u Rimu, ali šansi nije falilo. Već u prvom minutu Salah je probao sa ivice šesnaesterca, ali je lopta otišla malo pored gola. Nakon toga sve je pripalo gostima do odmora, a Šćešni je fenomenalno odbranio pokušaje Mertensa i povratnika Iguaina. Pogodak koji je postigao Kaljehon nije priznat zbog ofsajda.

Napoli je imao još tri velike šanse za gol u drugom poluvremenu. Hamšik i Mertens su posebno blizu pogotka bili, ali je u oba navrata čudesni Šćešni bio uspješni.

Posljednju priliku za goste imao je Iguain čiji je udarac glavom u 73. minutu blokiran.

Roma je u finišu bila daleko opasnija. Majkon i Salah napravili su uvertiru za gol Najangolana koji je donio pobjedu svom timu i mogućnost da u posljednja tri kola sa tri boda ovjeri treće mjesto i Ligu šampiona.

CDM.ME

Advertisements