Iznenađenje u Budimpešti – Češka ide u četvrfinale Evropskog prvenstva.
Česi su savladali Holandiju 2:0, pokazali još jednom koliko mogu da budu neugodni i idu na megdan Dancima za plasman u polufinale.
Taj duel je na programu 3. jula u Bakuu. Malo ko je mogao da pretpostavi da će se fledati baš taj par u Azerbejdžanu.
“Lale” su imale kontrolu prvih 20 minuta, onda su Česi zaprijetili, a ključni momenat se dogodio nakon sat igre.
Malen je imao veliku šansu za Holandiju, nije je iskoristio, a u nastavku akcije je na drugoj strani De Liht dobio crveni karton nakon igranja rukom.
Nije mnogo prošlo Češka je povela preko Holeša u 68, a sve je bilo riješeno kada je pogodio Šik u 80. minutu.
To je Šiku četvrti pogodak na Euru.
Večeras se od 21 sat u Sevilji sastaju Belgija i Portugal.
Pobjednik tog duela će u četvrtfinalu igrati protiv Italije.
