Crnogorska fudbalerka Katarina Čađenović nova je fudbalerka Sarajeva, potvrdio je šampion Bosne i Hercegovine.
„SFK 2000 Sarajevo s ponosom predstavlja još jedno perspektivno ime u svom timu – Katarina Čađenović je od danas dio naše šampionske ekipe!“, saopšteno je iz kluba.
Prethodno je nosila dres Goražda.
– SFK 2000 Sarajevo s ponosom predstavlja još jedno perspektivno ime u svom timu – Katarina Čađenović je od danas dio naše šampionske ekipe!. Tehničkim kvalitetima, vizijom igre i borbenošću istakla se kao jedna od najperspektivnijih igračica svoje generacije.Katarina je već i seniorska reprezentativka Crne Gore, a iskustvo stečeno kroz nastupe za nacionalni tim i mlađe selekcije dodatno je oblikovalo njen razvoj. Sada, u bordo-bijelom dresu, spremna je za nove izazove i uspjehe sa SFK 2000 Sarajevo. Dobro nam došla, Katarina! – poručili su iz redova šampiona Bosne i Hercegovine.
