Naš Igor Vujačić je bio čovjek koji je donio Partizanu plasman u posljednju rundu kvalifikacija za Ligu konferencija.
On je prvo pri rezultatu 2:2 spasao čist gol izbacivši loptu koju su svi viđeli u golu crno-bijelih, a onda je i postigao posljednji gol u penal seriji.
Vujačić je srbijanskim medijima kazao da mu je to bio prvi penal koji je izveo u seniorskoj karijeri, te da se ne sjeća da li u dresu Zete kao pjetlić ili kadet šutirao neki penal.
– To mi je ovo prvi penal u karijeri i baš on je bio odlučujući. Možda sam izveo neki u pjetlićima ili kadetima Zete – kazao je naš reprezentativac.
