Crnogorski trener Željko Petrović, pronašao je novi trenerski angažman.
Petrović će karijeru nastaviti u šampionatu Hrvatske, preciznije na klupi Intera iz Zaprešića gdje će naslijediti Samira Toplaka koji je podnio ostavku.
Prije Zaprešića Petrović je radio u Botevu iz Plovdiva gdje je dobio otkaz poslije samo tri mjeseca i samo 2 pobjede u 12 utakmica. Inter je trenutno na 8. mjestu sa 13 bodova i ima samo bod više od Istre i Varaždina pa će glavni Petrovićev zadatak biti opstanak.
Svojevremeno je bio pomoćnik Dika Advokata na klupi Srbije, a samostalno je vodio Boavistu, RKC, Uravu, Al-Šaab i Den Hag.
