Sve se više pominje da Manuel Nojer napušta Bajern iz Minhena. Pominju se i moguće destinacije, a posljednja vijest je da je rastanak sve izvjesniji.
Nojer ulazi u posljednju godinu ugovora, a navodno, pregovori su upali u ćorsokak, jer Nojer traži petogodišnju saradnju, dok je njemački šampion spreman da mu ponudi ugovor na dvije godine, s mogućnošću produženja na još jednu godinu.
– Svi razgovori koje sam vodio od 2011. godine uvijek su se vodili s velikim povjerenjem. Nikada ništa nije otkriveno. Ali, sada su u medijima otkriveni i objavljeni detalji aktuelnih razgovora, koji često nisu ni istiniti. To me muči. Ne poznajem ovakav Bajern. Želim da igram ako budem zdrav, ali najvažnije mi je povjerenje. Jasno mi je da je suvišno tražiti petogodišnji ugovor, ali imam 34 godine i ne mogu da predviđam hoću li igrati do 39. godine, rekao je Nojer za „Bild“.
