Stevan Jovetić odigrao je veoma dobro u pobjedi Intera nad Čelsijem 2:1 na Internacionalnom kupu šampiona.
Pred kraj prvog dijela utakmice izborio je penal. Na sebe je preuzeo odgovornost izvođenja najstrožije kazne, udarac mu je odbranio Kurtoa, ali je Jovetić natrčao na odbijenu loptu i poslao je u gol.
Gol je proslavio tako što je gestikulirao da ostaje u Interu.
Na astartu drugog dijela asistirao je Ivanu Perišiću kod drugog pogotka Intera.
Konačnih Inter-Čelsi 2:1 postavio je Kondogbija nevjerovatnim autogolom sa više od 30 metara.
Inter je na azijskoj turneji ostvario tri pobjede iz isto toliko mečeva (Bajern 2:0, Lion 1:0, Čelsi 2:1).
