Nebojša Kosović je nakon pobjede u Letoniji kazao da je njegov tim igrao sjajno. Ističe da počinje da se stvara lijepa atmosfera u ekipi.
–Drugo poluvrijeme smo igrali jako dobro, uspostavili smo igru koju smo htjeli. Znali smo da će protivnik početi dugim loptama, ali smo uspjeli da uspostavimo našu igru u drugom poluvremenu. Visio je gol u vazduhu i na kraju je presudila Jovetina majstorija, kazao je Kosović.
Ističe da je lijepo pobjedom početi ciklus, te da i u narednom meču idu na sva tri boda!
–Lijepo je što smo pobjedom otvorili ovaj ciklus. Znali smo što nas očekuje, mnogo važno za samopouzdanje i moral. Stvara se lijepa atmosfera oko svlačionice. Čestitam saigračima na vrhunskoj igri, posebno u drugom dijelu. Okrećemo se meču sa Gibraltarom đe idemo na sva tri boda – kazao je Kosović.
