PROBLEMI U JUVEU: Mauricio Sari se posvađao sa upravom Juventusa!

Prošla su samo dva kola od početka Serije A, a varnice u Juventusu su dostigle maksimum.

Kako prenose mediji u Italiji, novi trener „stare dame“ Mauricio Sari žestoko se posvađao sa direktorom kluba Fabiom Paratićijem.

Nekadašnji šef struke Napolija i Čelsija najprije mu je zamjerio što nije uspio da se otarasi igrača na koje ne računa u nastavku sezone, poput Mandžukića, Matuidija, Džana…

Napolitanac smatra da je to u mnogome već narušilo atmosferu u svlačionici.

Vruhunac njegove nervoze desio se prije neki dan kada je Emre Džan nakon što je saznao da nije na spisku igrača za grupnu fazu Lige šampiona, opleo po klubu. Iako se kasnije smirio i spustio loptu, Sari je načisto odlijepio i stavio do znanja Paratićiju da će se ovakve situacije ponavljati i da će biti jako štetne za timski duh ekipe.

Kako sada stvari stoje Perin će u Benfiku, Kijelini i Pjaca su povrijeđeni, Mandžukić ima opciju da odmah ode u Katar, ili da čeka januar, dok su Matuidi i Džan tu minimum do Nove godine. Previše igrača, bar po ukusu 60-godišnjeg stručnjaka na klupi aktuelnog prvaka Italije.

Advertisements